Овошјето и зеленчукот секогаш ќе бидат ценети како Светиот грал на здравата исхрана, а некои намирници од оваа група особено се препорачуваат за дијабетичарите поради нивната способност да помогнат во контролата на нивото на шеќер во крвта.
Цитрусно овошје
Истражувањата покажаа дека агрумите, како портокалите, имаат корисен ефект врз луѓето кои се борат со дијабетес. Цитрусите се одличен начин за внесување витамини и минерали без внесување прекумерни количини на јаглехидрати.
Зрнесто овошје
Зрнестото овошје, или бобинките, е богато со соединенија наречени антоцијани, за кои се тврди дека ја намалуваат отпорноста на инсулин и ја подобруваат чувствителноста на инсулин, според студијата објавена во Journal of Nutrition. Боровинки, јагоди, капини и малини се идеални видови бобинки кои можете да ги додадете во појадок или десерти.
Студијата покажа дека конзумирањето 160 mg антоцијанин двапати на ден резултирало со намалување на нивото на гликоза во плазмата за 8,5 отсто, намалување на отпорноста на инсулин за 13 отсто и зголемување на адипонектинот за 23,4 отсто, хормон кој ја зголемува чувствителноста на инсулин.
Бобинките се исто така добар извор на витамин Ц и влакна и не содржат многу јаглехидрати.
Брокула
Различни студии покажаа дека јадењето брокула исто така може да ја зголеми чувствителноста на инсулин. Брокулата е храна богата со витамини и минерали како што се калциум, железо, цинк, витамин Б12, Д и многу други.
