Никол Кидман повторно проговори за нејзиниот нов еротски филм „Babygirl“. Таа изјави дека се чувствувала удобно играјќи хиперсексуална жена.
Досега има снимено неколку секс сцени, а во филмот „Babygirl“ ја игра директорката Роми која го заведува нејзиниот помлад колега Семјуел.
„Многу жени во одреден момент од нивните кариери се 'отфрлени' како сексуално суштество, па беше навистина убаво да се види на овој начин. Кога го прочитав сценариото, си помислив: 'Да, ова е глас што досега не го имавме слушнато. Ова е место каде што не сум била, а ниту публиката'“, рече таа.
Додаде дека жената што ја глуми постигнала бидејќи има моќ, но сѐ уште не е сигурна која е и што сака иако изгледа дека има сѐ во животот.
„Мислам дека навистина можеме да се поврземе со тоа. Има многу жени што велат: 'Имам деца и сопруг, и што навистина сакам? Која сум јас и кои се моите желби? Дали треба да се преправам дека сум нешто што не сум за луѓето да ме прифатат?' Мислам дека овој филм е многу ослободувачки. Се надевам дека е така. Некои луѓе рекоа дека е највознемирувачкиот филм што некогаш го гледале, а јас реков дека ми е жал“, додаде Кидман.
Оваа улога ја привлекувала поради сексуалноста која е прикажана како „брутална“ и „опасна“. Тврди дека не е напишана за 20-годишни или 30-годишни.
