Актерот Кијану Ривс во интервју за Esquire откри дека можеби уште е во брак со актерката Винона Рајдер.
„Ја изведовме целата свадбена церемонија со вистински свештеник. Винона вели дека сме во брак. Френсис Форд Копола вели дека сме. Па претпоставувам дека сме венчани пред Бога“, рече 57-годишниот актер.
Пред неколку години, актерката ги изненади обожавателите кога изјави дека таа и Ривс можеби случајно се венчале на вистинската церемонија додека го снимале филмот „Дракула“ од 1992 година, во режија на Френсис Форд Копола.
„Навистина се венчавме во ‘Дракула’. Не, се колнам во Бога, мислам дека се венчавме вистински. За таа сцена, Френсис донесе вистински свештеник. Така, мислам дека сме во брак“, изјави Винона Рајдер за Entertainment Weekly во август 2018 година. Откако сфатила дека Ривс можеби ѝ е сопруг (барем во Романија), во муабет почнала да му се обраќа со „мажу“.
„Повремено добивам порака: ‘Здраво, мажу’. Не ѝ верував баш, а потоа Френсис Форд Копола, директорот на ‘Дракула’, јавно рече: ‘Да, навистина се случи така, свештеникот изврши вистинска церемонија’. Значи, изгледа сум во брак со Винона“, изјави актерот.
Копола ја потврди теоријата на актерката, за The Guardian дека свештеникот извршил „прилично автентична“ церемонија.
„Значи, на некој начин, кога го завршивме снимањето, сфативме дека Кијану и Винона навистина се венчаа како резултат на оваа сцена“, рече тој во август 2018 година.