Кина ги олабави правилата за бројот на деца кои може да ги има едно семејство, па наместо две, сега на паровите им е дозволено да имаат најмногу три деца.
До почетокот на 2016 година, во Кина беше дозволено да се има само едно дете, а ваквата политика започна уште во 1970 година со цел намалување на наталитетот и контрола на растот на населението. Од почетокот на 2016 година, брачните парови смееја да имаат две деца, а отсега кинеските власти ќе дозволат три деца по семејство.
Новата одлука претставува крај на строгите правила за раѓањето на децата, а промената на политиката за максимално две деца доаѓа по падот на наталитетот во Кина. Пописот на населението покажа дека Кинезите имаат најспоро темпо на раст на популацијата во последните неколку децении.
Ова го натера Пекинг да ги релаксира мерките за брачните парови да имаат повеќе бебиња и со тоа да се спречи падот на популацијата.
Според пописот кој е извршен на почетокот од месецов, просечната стапка на раст во последните 10 години изнесувала 0,53%, додека стапката помеѓу 2000. и 2010. година изнесувала 0,57%, што ја доведе популацијата до 1,41 милијарда.