Еден од најголемите кинески производители на автомобили неодамна претстави голем туринг мотоцикл кој веќе се смета за потенцијален „убиец“ на легендарниот модел на Honda.
Тоа што кинеската автомобилска индустрија бележи сериозен напредок во последниве години, особено во сегментот на електрични возила, и дека зазема сè поголем дел од колачот на глобалниот пазар, не е ништо ново.
Меѓутоа, кога нешто неочекувано и - типично американско (добро, можеби и јапонско) - ќе излезе од кинеските фабрики, тогаш тоа секако е новост.
Еден од најголемите кинески производители - Great Wall Motors - неодамна претстави голем туринг мотоцикл придвижуван од голем 8-цилиндричен боксер мотор со волумен од 2 литра.
Се вика Souo S2000GL и на прв поглед може да се заклучи дека е направен за да ги следи легендите на оваа класа на две тркала предводени од Honda Gold Wing.
Во споредба со јапонскиот конкурент, кој го придвижува 2-цилиндричен мотор од 1.800 кубни метри, има 25 коња повеќе, па наспроти 125-те на Honda, Souo 2000 е придвижуван од 151 коњска сила. За преносот е одговорен менувач со 8 брзини и двојна спојка.
Кинеското чудовиште на две тркала има „автомобилско“ меѓуоскино растојание од 1.810 милиметри, а вкупната тежина од 461 килограм не е пречка за постигнување максимална брзина од 210 километри на час.
Овој крузер е опремен со 12,3-инчна дигитална инструмент табла, паркинг сензори и седишта со грејач. Стандардната опрема вклучува можност за редовно ажурирање на софтверот, додека бројни опции се достапни во три различни пакети на опрема.
Souo S2000GL ги покажува своите амбиции не само со техничките карактеристики, туку и со својата цена, која не изгледа ниска ниту на домашниот кинески пазар, бидејќи моќниот крузер се нуди по почетна цена од 31.000 долари, што со повисоки пакети опрема оди до 37.000 долари.
За споредба, лидерот во оваа класа на мотоцикли, Honda Gold Wing Tour, на американскиот пазар се продава по цена од 26.000 илјади долари.
