Hedervik studio дизајнираше нов концепт за електричен автомобил кој го прочистува воздухот. Филтерот интегриран во моделот Airo е идеален за прочистување на издувните гасови од другите возила.
Оваа компанија се занимава со иновативен дизајн за еколошки решенија, а освен концепти за згради и објекти на јавни површини, сега може да се пофалат и со новиот дизајн за електричен автомобил.
Концептот Airo за првпат е претставен на Саемот за автомобили во Шангај.
Овој модел ќе биде опремен со најмодерниот HEPA филтер кој ќе го користи протокот на воздух низ автомобилот во движење и на тој начин ќе го прочистува воздухот. HEPA филтерот го прочистува воздухот од PM10 и PM 2.5 честички, полен, прашина и непријатна миризба, а ја користи најновата технологија.
Предните седишта се ротираат за 360 степени, па може да играте карти или да јадете со вашето семејство во текот на патувањето. Може и да спиете бидејќи автомобилот има aвтопилот.
Се предвидува дека новиот кинески бренд IM Motors ќе започне да го произведува овој автомобил во 2023 година.
