Кинескиот град Нангонг понуди награда од 500 јуани (77 долари) за секој што ќе пријави граѓанин кој не е тестиран на коронавирус, пренесе Associated Press.
Локалните власти дадоа таква понуда бидејќи милиони луѓе во градот и околната провинција Хебеи се тестираат во рамки на напорите да се стави под контрола најновото избивање на епидемијата на коронавирусот.
Кина долго време го контролира локалното пренесување на вирусот со воведување мерки, кои многумина ги сметаат за екстремни и многу наметливи, како на пример „локдаун“ на цели градови, електронско следење на движењето на луѓето и забрана за внатрешни патувања.
