Кинеските платформи за е-трговија ги повлекоа од продажба маиците на кои е прикажан крвавиот Доналд Трамп со тупаница во воздух само неколку моменти откако беше застрелан.
Маиците, кои беа пуштени во продажба неколку часа по обидот за атентат, беа достапни на популарните страници за е-трговија како Taobao и JD.com.
Не е јасно зошто маиците се повлечени од продажба, но интернетот во Кина е строго контролиран и содржината што се смета за „чувствителна“ се отстранува секојдневно. Обидот за атентат на Трамп на митинг во Пенсилванија минатата сабота предизвика широка дискусија на кинеската социјална платформа Weibo, пишува BBC.
Кинеските трговци на мало брзо го искористија интересот на јавноста, при што првата серија маици беше испечатена и пуштена во продажба помалку од три часа по пукањето. Такви маици се продаваа на Taobao, една од најголемите сајтови за е-трговија во Кина, за 39 јуани (околу 5 евра).
25-годишна продавачка на Taobao за South China Morning Post изјавила дека добила повеќе од 2.000 нарачки за маичките само три часа откако биле пуштени во продажба. Најголем дел од нарачките биле од Кина и САД.
Трамп со години привлекува големо внимание во Кина, и од позитивни и од негативни причини. Трговската војна што ја водеше со Пекинг за време на неговото претседателствување ја налути владата и многу Кинези, но наиде на поддршка и кај кинеските имигранти кои живеат во САД.
Кинеските претприемачи со години го заработуваат интересот на Трамп. Таму онлајн трговците на мало продаваат низа производи со ликот на Трамп, вклучувајќи чорапи и чаши и неговиот слоган „MAGA“.
Обидот за атентат го искористија и трговците ширум светот. Маици кои го прикажуваат Трамп веднаш по обидот за атентат се продаваат на Lazada и Shopee, платформи за е-трговија популарни во Југоисточна Азија.
