Во кинескиот град Вухан забрзано се гради нова болница со 1.000 кревети, наменета за лекување на заразените со корона вирусот, пренесува CNBC.
На фотографиите се гледаат багери како ја израмнуваат земјата, а сè уште не се готови ни темелите. Болницата би требало да биде завршена до 4 февруари, пренесува AFP.
Изградбата започна во четвртокот навечер.
Ова не е првпат во Кина да се гради цела болница за само десет дена. Во 2003 година кога изби епидемија на САРС, од која починаа 774 луѓе, во Пекинг беше изградена болница за една недела.