„Ќе жалеа до крајот на животот ако гледаа сами по дома“, објаснува стратегот кој по 30 години му ја донесе титулата на Ливерпул.
Ливерпул не играше вчера, но математичкото заверување на тутулата зависеше од дуелот на Челси и Манчестер Сити. Челси победи и му овозможи на Ливерпул конечно да се израдува.
Во таборот на „Црвените“ размислувале дали натпреварот да го гледаат тимски, или секој по дома, а потоа Јирген Клоп пресекол.
„Утрото размислувавме за тоа, дали да организираме нешто, ама помисливме да не биде задолжително бидејќи некои треба да возат подолги релации. Сепак, потоа реков 'Не, мора да биде задолжително, сите мора да бидат собрани' бидејќи јас сум поискусен и знам дека оној што ќе остане дома и ќе гледа сам потоа ќе жали до крајот на животот. Затоа и се собравме заедно“, открива Германецот.
Клоп беше активен фудбалер и тоа доста млад кога последен пат Ливерпул стана шампион на Англија, во далечната сезона 1989/90.
„Пред 30 години... 30 години... тогаш сум имал 23 години па и не сум размислувал за освојување титула со Ливерпул, да бидам искрен. Немав потенцијал за такво нешто. Еве сега 30 години подоцна сум тука благодарение на одличен стручен штаб, неверојатно е“, рече Клоп.
