Менаџерот на Ливерпул, Јирген Клоп, откри дека британските власти не му дозволиле да го посети легендарниот тенисер Борис Бекер во затвор.
Пред два дена, во своето прво интервју по седум и пол месеци поминати во британски затвор, Бекер зборуваше за тоа како ги поминал деновите.
Тој беше осуден на две и пол години затвор во април, но беше ослободен на 15 декември, а потоа депортиран во Германија. Бекер зборуваше за поддршката што ја добил од Јирген Клоп.
„Тој е идол на моето детство и младост. Се запознавме на Вимблдон пред седум години. Мојата сопруга го организираше тоа. Знаеше дека сакам да го запознаам. Ја следев неговата кариера и бев негов голем обожавател. Останавме во контакт“, изјави Клоп.
Стратегот на Ливерпул истакна дека неколку пати телефонски разговарал со Бекер.
„Ми беше важно да знае дека сум со него. За жал, не можев да го посетам бидејќи локалните власти ми објаснија дека тоа е преголем ризик. Тоа сега не е важно, единствено важно е Бекер повторно да биде слободен“, додаде германскиот стручњак.
Клоп изјави дека би сакал да го види Бекер на натпреварите на Ливерпул.
„Сега нека се одмори, и секогаш е добредојден во Ливерпул доколку сака да гледа натпревар на нашиот тим, иако навива за други клубови. Му посакувам здравје и среќа“, заврши Клоп.