Јорген Клоп изминативе денови испраќаше само пофалби до противникот, порачувајќи дека по играта се едни од најдобрите на Стариот континент. Сепак, неговиот тим синоќа победи со 5:0 на гостување во Бергамо декласирајќи ја Аталанта.
„Сѐ што кажав за Аталанта пред натпреварот е 100 проценти вистина, тоа е она што го мислам. Долго време се занимавам со оваа професија за да познаат кога некој тим игра добар фудбал и може на било кого да му направи проблеми. Тоа не се промени и покрај резултатот“, рече Клоп.
Ливерпул на полувреме замина со два гола предност, а во првите десетина минути по паузата одигра фуриозно постигнувајќи три гола.
„Одигравме одлична партија против тим кој ни создаде проблеми. Бевме навистина одлични, го обравме сиот плод од нашиот потенцијал“, смета тој.
Иако резултатот гласи 0:5, Аталанта воопшто не беше во подредена улога. „Деа“ имаше шанси, но едноставно на гостинскиот гол расположен беше голманот Алисон кој во неколку наврати одлично одбрани.
„И нашата одбрана одигра на високо ниво, едноставно фудбалот кој го игравме беше одличен. Постогнавме многу голови, можевме да дадеме и уште, но и Алисон имаше работа. Направи три паради. Генерално, задоволен сум од она што моите играчи го прикажаа“, заврши германскиот стартег.
