Експерт за исхрана откри кое е идеалното време за појадок, доколку сакате да ослабите.
Тим Спенсер, професор по генетска епидемиологија на Кралскиот колеџ во Лондон, смета дека чекањето неколку часа за појадок е одлична работа за оние кои се борат со вишокот килограми.
Тој тврди дека единствено со појадување во 11 часот може да постигнете 14 часа „пост“, што е докажано најздравата метода за метаболизмот и истовремено, губење на телесна тежина.
„Мислам дека мора повторно да размислите за сите работи кои ни ги кажаа дека се нездрави, бидејќи науката постојано се менува. Уште има луѓе кои јадат рано наутро, а вечераат многу подоцна. Дури и оние кои престануваат со обилни оброци подоцна, веројатно грицкаат нешто, што значи дека нивниот стомак не успева да остане празен во период од 14 часа“, тврди Спенсер.
Советува дека значајна промена што луѓето можат да ја направат е да го преместат појадокот од 8 на 11 часот, што е многу ефективно за разлика од модерните диети. Со придружувањето на оваа метода во период од неколку месеци луѓето можат да изгубат од 2 до 5 килограми.
„Полесно е да постигнете „гладување“ од 14 часа дневно со доцен појадок и притоа да земате иста количина храна. Техниката ќе биде делотворна бидејќи микробите во цревата исто така имаат ритам кој исто како и нашиот, не треба да го нарушувате“, објасни тој.
Меѓу научниците има мислење дека „временски ограничената исхрана“ се повеќе се доживува како начин да го одржите здравјето, да ослабете, но и секогаш да го почитувате правилото никогаш да не го прескокнувате појадокот.
