Наместо воздух под притисок во гумите, масата на возилото ќе биде поткрепена со флексибилни гумени композити.
Michelin ја најавува својата револуционерна гума без воздух за 2024 година. Наместо компримиран воздух во гумите, масата на возилото ќе биде поткрепена со флексибилни гумени композити.
Повеќе технички детали за структурата на материјалот сè уште не се откриени, бидејќи тој сè уште е тајна на Michelin, а компанијата го нарекува својот производ UPTIS - Уникатен систем на гуми отпорни на пукање.
Значи, со овие гуми треба да исчезнат проблемите со пукање или ослободување на воздухот, односно сите проблеми од тој тип што можат да му се случат на возачот на патот, а со тоа ќе им се продолжи и работниот век.
Безвоздушните гуми се монтираат на обични фелни и не е потребна посебна модификација.
Michelin планира да ја претстави оваа гума на почетокот на август пред Европската мрежа за сообраќајна полиција (ROADPOL), а сега се појави нова идеја.
Имено, Michelin сака да ѝ ги отстапи UPTIS гумите на европската сообраќајна полиција, која треба да биде прва што ќе го тестира овој производ во реални услови. Компанијата планира да ги понуди UPTIS гумите на пазарот во 2024 година.
