Доколку сте одлучиле дека сакате развод, важно е да знаете кога и како треба да го соопштите тоа на партнерот, затоа што може да направи разлика помеѓу бурен и мирен развод.
Следниве ставки може да ви помогнат во процесот на одлучување:
Бидете сигурни во вашата одлука
Разводот никогаш не смее да се користи како закана или ултиматум. Заканите со развод се зборови ко вашиот партнер никогаш нема да може да ги заборави. Прво, бидете сигурни дели јасно сте одлучиле или уште се двоумите.
Не го залажувајте партнерот
Најлоша ситуација е кога едната страна е целосно изненадена од одлуката за развод. Ова се случува кога луѓето кои избегнуваат конфликти и ги кријат своит ечувства, па кога ќе ја најават својата желба за развод, сопружникот е изненаден и не е подготвен. Разговарајте за незадоволството кога ќе се појави. Признајте дека на вашиот брак му е потребна помош. Бидете отворени за идејата за брачно советување пред проблемите да прераснат во криза. Проблемите во бракот не се „туркаат под тепих”.
Кажете му на партнерот дека сакате да се разведете откако ќе ги пробате сите опции
Сте читале книги, сте разговарале со пријателите и сте го молеле партнерот да одите на советување. Сте пробале сè што можело да се проба. Кога не ви останале други опции, кажете дека е време за развод.
Дали партнерот може да ја промени вашата одлука?
Доколку одговорот е „да”, треба да му кажете што треба да направи. Доколку одговорот е „не”, сте донеле добра одлука.
Размислувате дали би требало да останете заедно поради децата
Постојат различни мислења за ова. Доколку постојат конфликти и караници, вашите деца ќе бидат посреќни доколку тој брак заврши. Меѓутоа, некои луѓе сметаат дека можат да функционираат во „родителски брак”. Тоа значи дека не сте романтично поврзани, но н есе карате и останувате заедно поради децата. Доколку можете да живеете заедно без стрес, ова е одржлива алтернатива.
