EuroNCAP ги објави резултатите од тестовите во 2015 година и ќе прогласи победниците како најдобри автомобили поделени во осум категории. Секоја година независната организација тестира десетици нови автомобили наменети за европскиот пазар.
Автомобилите се оценуваат во четири категории: Безбедност на возрасните патници, безбедност на децата во возилото, безбедност на пешаците и квалитетот на безбедносните системи за асистенција на возачот.
Врз основа на тие резултати во сите четири категории, возилото добива конечна оценка од одреден број на ѕвезди (1-5).
Со оглед на тоа дека различните класи не можат да се споредуваат само според бројот на ѕвездички, EuroNCAP на почетокот на секој година, објавува листа на најбезбедните возила од претходната година. Овој пат, неколку класи се исфрлени бидејќи имало премалку автомобили од таа класа за да биде вклучен тој сегмент.
Најбезбедни автомобили во 2015 се:
Голем SUV: Volvo XC90
Мал SUV: Mercedes GLC
Фамилијарен автомобил: Jaguar XE
Мал фамилијарен автомобил: Infiniti Q30
Компактен градски автомобил: Honda Jazz
Големо патничко комби: Ford Galaxy
Мало патничко комби: VW Touran
Спортски кабриолет: Mazda MX-5
Важно е да се спомне дека и покрај заострувањето на критериумите, во 2015 година, најголемиот дел од тестираните автомобили имаа максимални 5 ѕвездички, а разликите во безбедносните карактеристики се многу мали.