Не е нужно да земате додатоци за исхрана, но и тие може да имаат клучна улога во подобрувањето на здравствената сосотојба и евентуални нутритивни недостатоци, пишува Eat This, Not That.
Експертите препорачуваат наместо мултивитамини да користите посебни додатоци особено ако во организмот не внесувате одредени намирници кои се важен природен извор на витамини и минерали.
Пред земањето на одредени додатоци за исхрана најдобро е да се советувате со матичниот доктор. Нутриционистите истакнуваат кои би било добро да се користат секојдневно.
Меѓу 50 и 60 проценти од жените во текот на животот доживуваат воспаление на уринарниот тракт. Токму брусницата може да помогне во одржувањето на здрав уринарен тракт бидејќи може да спречи инфекции.
Секојдневното консумирање на 500 милиграми суплемент од брусница може да спречи инфекции кои се повторуваат.
Криловото масло се добива од антарктичкиот крил, полупроѕирен рак доминантно присутен во Антарктик. Крил на норвешки јазик значи „храна за китови“. Повеќето луѓе не јадат доволно риба којашто содржи омега -3 масни киселини. Тоа е здрава масна киселина којашто на многумина им недостига во организмот. Докажано е дека омега-3 масната киселина го смалува ризикот од срцеви болести.
Два минерали кои се исклучително важни за здравјето на коските и на срцето. Освен што се добри за коските, користењето магнезиум пред спиење може да има смирувачки ефекти.
Фолната киселина би требало да ја земаат жените во репродуктивните години, од 16 до 45 години. Недоволното ниво на фолна киселина во организмот е поврзана со раѓање деца со вродени недостатоци, па добро е да се користи и пред планирање на бременост.