Лошата комбинација на храна може да доведе до болки во стомакот, надуеност, замор, гасови и непријатност.
Ако продолжите да консумирате погрешни комбинации на храна подолг временски период, тоа може да доведе до осип, хронични дигестивни проблеми и лош здив.
Исто така, комбинирањето на некомпатибилна храна може да ви ги отежне напорите за слабеење и/или одржување здрава телесна тежина. Кога станува збор за листата на оние видови храна кои не треба да се мешаат, се истакнуваат високопротеинските намирници, како и комбинациите на агруми со млеко кои можат да му наштетат на вашето варење.
Две високопротеински намирници
Јајцата и сувото месо се популарни намирници за појадок, но препорачливо е да се избегнува оваа комбинација. Овие две намирници се богати со протеини и се тешки за вашиот стомак. Ќе биде потребно повеќе време за да се сварат и двете. Прво треба да јадете лесни протеини, а потоа месо.
Цитрусно овошје и млеко
На млекото му е потребно подолго време за да се вари, а кога земате млеко и лимон или кое било цитрусно овошје заедно, млекото се коагулира. Ова може да доведе до чувство на „горење“ во желудникот.
Некои луѓе се и нетолерантни на лактоза, што значи дека не се способни да ја сварат лактозата присутна во млекото.
Млеко и банана
Комбинацијата на млеко и банана е тешка и одзема многу време за да се вари. Додека се вари храната, ќе се чувствувате уморни. Ако сакате да пиете милкшејк од банана, додадете прстофат цимет или морско оревче во прав за да го подобрите варењето.
Овошје со оброк
Овошјето лесно се вари, но може да потрае подолго кога се вари заедно со оброкот. Така, додека храната не се вари, овошјето се задржува и почнува да ферментира. Обидете се да избегнувате да јадете овошје со или веднаш по оброкот.
Сирење со ладен пијалок
Кој не сака пица со газиран сок? Колку и да звучи примамливо, оваа комбинација не е добра за вашето здравје. Треба да избегнувате да пиете ладен пијалок со јадења што содржат сирење, бидејќи комбинацијата може да доведе до тешкотии во апсорпцијата. Може да предизвика непријатност и абдоминална болка.
