Без разлика на возраста, кардиолозите советуваат дека можеме да уживаме во секој вид храна, сè додека јадеме умерено. Во спротивно, по долго време консумирање на големи количини од овие намирници најмногу може да биде загрозено кардиоваскуларното здравје.
Според кардиологот Џеф Етертон, особено треба да бидеме внимателни со овие три намирници:
Ниту една пржена храна не е здрава за срцето бидејќи има висок процент на заситени и транс масти, две работи кои би требало да прават мал процент од нашата исхрана. Но, од сите пржени храни помфритот се истакнува како најлоша.
„Исто како да сте зеле парче чист јаглехидрат, а потоа сте го испржиле и добро посолиле“, објаснува Етертон. „Но, проблемот е во тоа што нашето тело копнее по натриум и лоши масти“.
Советува помфритот да го замените со здрави „грицки“ на растителна база.
Преработеното месо нема добра репутација меѓу кардиолозите бидејќи оваа категорија храна (која вклучува сланина, шунка, колбаси и виршли) го зголемува ризикот од срцеви заболувања. Етертон вели дека сланината не е најлошата намирница во оваа категорија. Поради високиот процент на заситени масти најлоши се колбасите.
Црвеното месо има значителна количина холестерол и заситени масти, како и состојки слични на аминокиселини, кои се лоши за здравјето на срцето.
„За да бидете сигурни, ограничите го внесувањето на немасно црвено месо на помалку од 10 проценти во исхраната“, советува кардиологот.
Овој совет важи и за свинското месо кое исто така е полно со заситени масти, пишува Thrillist.