Авто новости

Кои се најбезбедните автомобили според EuroNCAP?

16. декември 2016 - 15:44 | Д.П.

Откако EuroNCAP изведе тестови за безбедност за 18 нови патнички автомобили во текот на оваа година, сега ги објави и победниците според класите.

Организација направи нови критериуми за оценување, па сега се вреднува и автоматското сопирање во случај возилото да детектира пешак на патот, а воведено е и двојно оценување за ист модел во две различни изведби - со стандарден пакет и со дополнителна безбедносна опрема.

Првично се тестира основниот модел, а потоа и верзијата опремена со дополнителните системи.

Во сегментот на „големи фамилијарни возила“, првото место го освои Toyota Prius. Во категоријата „мали фамилијарни возила“, првото место му припадна на уште еден хибрид, Hyundai Ioniq. Иако овие возила се конкуренти, поради различните димензии EuroNCAP ги вброи во две различни групи.

Во третата категорија за мали SUV и Off-road модели, победата ја однесе Volkswagen Tiguan.

Покрај овие три модели, EuroNCAP за 2016 година ги одвои и Seat Ateca, како модел со одлични безбедносни карактеристики, како и Mercedes S Class кој не може да биде прогласен за најдобар модел во својата класа, бидејќи е единствен тестиран од таа категорија во текот на оваа година.

Коментирај