Индустријата за паметни телефони моментално е во пад во однос на вкупната испорака на уреди, со двоцифрен пад во споредба со минатата година. Но, се покажа дека сегментот на телефони од врвна класа (500 долари / 465 евра и повеќе) го одбегна тој тренд.
Компанијата за следење на технолошкиот пазар Canalys откри дека сегментот high-end пораснал за 4,7% во споредба со минатата година.
Canalys, исто така, објави листа на топ 15 најпопуларни врвни телефони врз основа на резултатите од испораката на мало.
Очекувано, уредите на Apple iPhone го зазедоа првото место, па така iPhone 14 Pro Max, iPhone 14 Pro, iPhone 14 и iPhone 13 се најдоа на прво, второ, трето и четврто место. Другите два модели на iPhone – iPhone 14 Plus (шесто) и iPhone 12 (осмо) – го заокружија придонесот на Apple.
Samsung исто така помина солидно во овој сегмент како и Apple, со шест уреди. Најзначајно, Galaxy S23 Ultra го зазеде петтото место, победувајќи го iPhone 14 Plus. Друг значаен кандидат беше Galaxy Z Flip 4, кој заврши на десеттото место и исто така е единствениот телефон на преклоп на листата. Galaxy S23 (седмо), Galaxy S23 Plus (деветто), Galaxy S22 (12-то) и Galaxy S21 FE (15-то) исто така се најдоа на првите 15.
Конечно, Xiaomi 13 (13-то) и Huawei Mate 50 (14-то) беа единствените телефони кои не се од Apple или Samsung на оваа листа на најдобри водечки телефони во Q1 2023 година.
