Кои се најпребаруваните уметници во светот?

Пандемијата со COVID-19 направи многу од музеите и галериите да бидат затворени, а љубителите на уметноста да ги задоволуваат своите апетити единствено преку интернетот.

Една година по локдаунот во Европа, сѐ уште многу музеи и галерии се затворени. Некои еден период се отворија, но како доаѓа нов вирусен бран, повторно се затвораат.

Тоа ги приморува луѓето да се свртат кон онлајн уметноста и виртуелните прошетки по музеите и галериите. Таквата прилика, донесе одлична шанса да се истражи кои се најпопуларните уметници во секоја земја од светот, а и севкупно и тоа со помош на статистиката за пребарување на Google.

Убедливо на светско ниво води Леонардо да Винчи кој е најпребаруван во дури 82 земји. Најпознат по сликите „Тајната вечера“ и „Мона Лиза“, кои можат да се најдат во Санта Марија деле Грацие црквата во Милано и музејот Лувр во Париз, сепак се поставува прашањето дали Да Винчи е толку популарен поради уметноста или поради фактот што е и доста познат како пронаоѓач.

На второто место на светски рамки е мексиканската сликарка Фрида Кало, позната во автопортретите, која е малку пред уште еден сликар, холандскиот постимпресионист Винсент ван Гог.

Топ 7 најпребарувани во светот:

(Секоја слика со клик на неа е достапна во многу поголема верзија.)

Ако пребарувањето го поделиме по континенти, тогаш во Европа води Да Винчи пред Банкси и Кало. Интересно, Да Винчи не е најпребаруван во својата родна Италија, но затоа е кај нас и речиси на цел Балкан.

И во Африка прв е Да Винчи, но таму втор е Пикасо, а трет Ван Гог.

Во Северна Америка и Карибите редоследот е Да Винчи, Кало, Џентилески.

Единствениот континент каде не води Да Винчи е Јужна Америка каде жителите на најмногу држави ја пребарувале италијанската барокна сликарка Џентилески. Зад неа се Кало и Да Винчи.