Според најновите истражувања, уредите на Apple во моментов се на прво место на листата смартфони на кои најбавно им паѓа цената, а веднаш зад нив се смартфоните на Samsung.
Истражувањето на MusicMagpie покажа дека уредите на компанијата Apple најбавно губат продажна вредност на пазарот. По првата година од лансирањето губат околу 43%, а по втората 61%.
Смартфоните на Samsung се на второ место по бавен пад на цената со пад од 64% во првата, односно 76% по втората година од лансирањето на моделот, објави tportal.
За споредба, телефоните на OnePlus по првата година бележат пад на цената за 64% и 81% по втората, додека моделите на Google губат 67, односно 79% по првата и втората година.
Смартфон на Huawei по една година на пазарот губи 74% од вредноста, а по две дури 88 отсто.
Најбаран смартфон и понатаму е iPhone 11 кој и по една година се продава по само 32% пониска цена. Ако планирате да го продавате вашиот iPhone уред по излегувањето на новиот, сметајте дека цената ќе му падне за 11% три месеци по излегувањето на годинашниот iPhone.
„Седумката“ на моделот iPhone уште е најпродаван половен смартфон.
