Пермско-триаското истребување е означено во палеологијата како период во кој низа настани предизвикани од климатските промени го уништиле животот на Земјата, но научниците беа заинтересирани за тоа кое од животните прво се опоравило.
Пермско-триаското истребување, кое се случило пред 252 милиони години, е настан познат и како Големото истребување, при што исчезнал речиси целиот живот на Земјата. Научниците го сметаат за најголемиот настан од ваков вид во природата. Најновата студија сугерира дека животот постепено закрепнал по овој настан, а научниците дури успеале да утврдат кои животни биле меѓу првите што го направиле тоа.
Тим научници од Кина, САД и Обединетото Кралство дошле до резултат со набљудување на траги од фосилни остатоци покрај патеките и јамите на дното на Јужното Кинеско Море. Како што тврдат, испитале фосили од траги од 26 делови, кои опфаќаат цела низа настани во период од 7 милиони години, кои ги посочиле деталите со чија помош научниците ги реконструирале фазите на обновување на животинскиот свет.
Бидејќи мекотелите не оставаат скелети зад себе, фосилите во трагови се од големо значење во откривањето како некогаш живееле овие суштества.
„Нашите податоци за фосилите од траги ја откриваат отпорноста на сабјарката на висок CO2 и затоплувањето. Се покажа дека тие се инженери, кои најверојатно одиграле голема улога во обновувањето на бентосниот екосистем по масовното истребување. Се верува дека развиле еволутивни иновации кои им помогнале во раниот тријас“, тврди палеонтологот Сиан Фен од кинескиот универзитет за геолошки науки.
За време на истражувањето тимот користел четири различни методи за мерење на степенот на закрепнување, што ја вклучувало различноста на животинските видови, како се користел просторот и како животните го модифицирале екосистемот.
Она што го забележале е дека првата фаза вклучува постепено обновување на животот во длабоките води на праисториските океани. Потоа, кога црвите и ракчињата во голема мера се опоравиле, процесот го продолжиле организми како што се брахиоподи, мешунки и бивалвици - главно вкоренети во дното на океанот.
Веднаш потоа се опоравиле и коралите, а според нивните тврдења, биле потребни околу 3 милиони години за бројот на мекотели да се врати на нивото пред истребувањето. Сепак, научниците наведуваат дека овој факт не е изненадувачки со оглед на тоа што за време на пермско-тријаското истребување исчезнале околу 80-90% од морските видови на Земјата. А, како главен виновник за ова масовно истребување ги наведуваат климатските промени, проследени со глобалното затоплување, осиромашувањето на кислородот и закиселувањето на океаните.
Заклучокот на научниците е дека со разбирање на настаните што се случувале некогаш, како и како одредени животни закрепнале по Големото истребување, тие можат да дадат корисни информации кои ќе ни помогнат во време на забрзано затоплување и климатски промени.
Истражувањето е објавено во списанието Science Advances.
