Се чини никој не може да го најде решението како да се запре Никола Јокиќ оваа постсезона.
Тој ги предводеше Денвер Нагетс во победата во третата партија со која успеаја да се вратат во игра за титулата на Западот, не дозволувајќи им на Лејкерс да избегаат на 3-0.
Двајт Хауард смета дека го најде начинот како да го запре Јокиќ, но единствено што успеа да направи е да го навлече гневот на НБА фановите, а особено на обожавателите на српскиот ас.
Сем Амик од The Athletic тврди дека Хауард му довикувал на Јокиќ од клупата „Бетмен ќе те фати, Џокеру“, алудирајќи на прекарот по кој е познат Србинот, но со ваквото однесување само покажа дека не само што не е суперхерој, туку дворскиот шут е самиот тој.
Во текот на вчерашниот натпревар беше повеќе од јасно дека Хауард му фрлил пик на Јокиќ и постојано се обидуваше да го испровоцира со неспортски потези кои само му донесоа лични.
Во еден момент и безобзирно го турна, потег на кој сите изреагираа со неверување.
Она што најмалку им е јасно на фановите е кога и зошто Хауард се претвори во ваков тип на „валкан играч“, особено кога е повеќе од јасно дека Јокиќ не е кошаркар кој може лесно да се испровоцира и останува „мртов ладен“ на вакви потези.
Се андеваме само дека ова е некоја „фаза“ на Хауард, а не тактика на Лејкерс.
