Иако не е штетно да консумирате суви бадеми, многу луѓе ги потопуваат во вода и ги лупат пред да ги јадат. Дали ваквите бадеми се подобри и дали нудат дополнителни здравствени предности?
Истражувањата покажуваат дека бадемите кои се потопуваат во вода се подобри од сировите, а еве зошто е тоа така.
Бадемите се полни со хранливи материи и се одличен извор на влакна, витамин Е, магнезиум, манган, бакар, фосфор и многу други корисни состојки.
Сите овие нутритиенти помагаат за да се ослободите од килограмите, го подобруваат здравјето на коските, расположението и го намалуваат ризикот од срцеви заболувања.
Бадемите го зголемуваат нивото на антиоксиданти во телото, го намалуваат крвниот притисок и го подобруваат протокот на крвта.
Ако ја обожавате оваа намирница, еден ден претходно ставете ги во вода и излупете ги.
Ваквите бадеми полесно се варат од сировите или печените. Сè што стои во вода е полесно за џвакање и полесно се вари.
Се зголемува вредноста на хранливите супстанци кога ќе се потопат во вода, а се отстранува нечистотијата која може да спречи апсорпција на одредени хранливи супстанци.
Бадемите во вода го подобруваат метаболизмот и помагаат за ослободување од вишокот на килограми. Затоа се препорачува да ги консумирате заедно со оброците.