Истражувачите од безбедносната компанија Red Canary тврдат дека скоро 30.000 Mac уреди низ целиот свет се заразени со мистериозен малициозен софтвер, односно малвер.
Според аналитичарот Тони Ламберт, програмата што ги напаѓа компјутерите „не се однесува како што би очекувале од програма чија мета обично се macOS системите“.
Оваа програма беше наречена Silver Sparrow. Нејзината цел не е позната, но се знае дека „вклучува механизам за самоуништување кој сè уште не бил искористен“, забележуваат истражувачите.
Ова звучи прилично мистериозно, но тоа е затоа што самиот малициозен софтвер сè уште не е истражуван доволно.
Silver Sparrow содржи код што работи на чипот М1 на компанијата Apple, кој е на пазарот од ноември минатата година, што го прави уште еден добро познат малициозен софтвер на кој тоа му успеало.
„Иако досега не забележавме дека програмата направила дополнителна штета, со оглед на карактеристиките на М1 чипот, глобалниот обем кој би можел да има и релативно високо ниво на инфекција, можеме да кажеме дека Silver Sparrow претставува сериозна закана “, рекоа истражувачите.
Според веб-страницата Malwarebytes, овој малициозен софтвер е пронајден на Mac компјутери во дури 157 земји.
