И со зголемениот број на вакцинирани луѓе, некои проблеми останаа нерешени. Еден од нив е проблемите со долг ковид, кој погодува 1 од 5 луѓе кои закрепнуваат од COVID-19.
Долгиот ковид е загрижувачки феномен кој може да погоди пациенти кои прележале коронавирус со месеци претходно. Симптомите можат да бидат слични на оние кај COVID-19 и може да влијаат на целото тело.
Со појавата на делта сојот коронавирусот е позаразен, а експертите се загрижени дека тоа може да го зголеми бројот на случаи на долг ковид.
Според истражувањата, 5 до 10% од нехоспитализираните пациенти и приближно 80% од оние кои се хоспитализирани боледуваат од долг ковид.
Истражувањата покажаа кои групи луѓе се повеќе подложни на развој на долг ковид.
Најчестите пријавени симптоми на долг ковид се проблеми со дишењето, губење на осетот за мирис, болки во мускулите и умор, пишува Times of India.
1. Жени
Иако претходните истражувања покажаа дека жените имаат помал процент на смртност и развој на тешки симптоми поврзани со COVID-19, студиите покажаа дека е поголем бројот на жени кои прележале вирус и имале долг ковид.
2. Луѓе постари од 40 години
Со години, имунолошкиот систем почнува побавно да функционира и тоа го прави поизложен на бактерии и вируси. Тоа воедно е и причина зошто од долг ковид почесто се разболуваат луѓе постари од 40 години.
3. Генетски предиспозиции
Студијата покажа дека заболувањето од ковид е почесто меѓу Афроамериканците, што веројатно е резултат од поинакви генетски предиспозиции.
4. Имунокомпромитирани луѓе
Имунокомпромитираните луѓе полесно заболуваат од COVID-19, па со самото тоа и од долг ковид. Студијата покажа дека овие луѓе поради послабиот имунолошки одговор им е потребно многу подолго време да ја преболат болеста.