Интересно истражување откри кој побрзо се вљубува, мажите или жените.
Резултатите од истражување, објавени во Journal of Social Psychology, покажаа дека мажите побрзо се вљубуваат отколку жените. Во студијата е споменато дека мажите први кажуваат „те сакам“, за разлика од жените.
Иако многумина сметаат дека жените се поемотивни, на мажите во просек им требаат 88 дена за да се вљубат, додека на жените 134 дена.
Мариса Харисон, една од авторките на истражувањето, смета дека на жените им треба повеќе време да се вљубат поради потсвесниот биолошки императив да најдат најсоодветен партнер, кој ќе стане татко на нивните деца.
Токму затоа жените повеќе уживаат во сексот кога се емотивно поврзани со партнерот.
„Мислам дека жените потсвесно ја одложуваат љубовта. Можат да изгубат повеќе на репродуктивен план ако му се посветат на погрешен маж“, вели Харисон.
