Можеме да консумираме леб, јајца, банани и млеко секој ден, но треба да ја земеме предвид големината на порциите на овие основни намирници.
Затоа што дури и кога се обидуваме да внесеме повеќе витамини и минерали, можеме да се предозираме и да му наштетиме на сопственото здравје. Bright Side открива колку од некои вообичаени намирници можете да јадете за да останете во нормални и здрави граници.
Две банани на ден
Бананите обезбедуваат хранливи материи и влакна. Не треба да јадете повеќе од две на ден. Тие ја намалуваат надуеноста, помагаат во контрола на апетитот и се одлична замена за шеќер.
Седум јајца неделно
Ризично е да се претера со јајцата. Експертите препорачуваат да не јадете повеќе од седум јајца неделно, а уште помалку ако имате висок холестерол.
Лажичка сол дневно
Возрасните не треба да јадат повеќе од шест грама сол дневно, што е приближно една кафена лажичка. Ова ја вклучува солта која се наоѓа во храната како сирење, сувомеснати производи и чипс. Децата на возраст од 1 до 3 години не треба да јадат повеќе од два грама сол дневно, од 4 до 6 години повеќе од 3 грама сол дневно, а од 7 до 10 години повеќе од пет грама сол дневно.
Лажица и пол маслиново масло на ден
Една и пол лажица маслиново масло дневно е одлична за здравјето. Внимавајте со конзумирањето маслиново масло. Кога се загрева, ги губи своите придобивки.
Шест лажички шеќер на ден
Истражувачите препорачуваат дневната доза на шеќер да не надминува шест лажички за жени и девет за мажи.
Три чаши млеко на ден
Насоките за исхрана препорачуваат 732 милилитри млеко дневно за возрасни.
Еден портокал на ден
Еден портокал обезбедува дневна доза на витамин Ц.
Шест парчиња леб на ден
Ако јадете леб од цели зрна, диететските упатства велат дека е безбедно да јадете шест парчиња дневно.