Истражување спроведено од британска компанија за секс-играчки откри дека магичното време за добар секс е 30 минути, пренесе Daily Mail.
Резултатите од истражувањето на компанијата LoveHoney покажаа дека 40 проценти од луѓето преферираат нивниот секс да трае половина час или повеќе, но само 24 проценти изјавиле дека тоа е случај во нивната врска. Околу 47 проценти од испитаници во Австралија изјавиле дека сексот им трае околу 15 минути, додека 16 проценти признале дека им трае околу 10 минути.
Сексологот Трејси Кокс претходно изјави дека луѓето не треба да паничат околу тоа колку долго трае нивниот секс.
„Триесет минути за некои луѓе е премалку, за некои е предолго. Ако сте двајцата задоволни со траењето на сексот, тоа е најбитно. Целта е редовно да се поврзувате сексуално, што би значело секси бакнеж или некој вид предигра која не мора нужно да доведе до секс“, вели таа.
Истражувањето откри и на која возраст луѓето се најзадоволни со сексуалниот живот. 14,6 проценти на возраст од 36 до 40 години го оцениле својот сексуален живот со десетка. Втора најсреќна возрасна група се од 46 до 50 години, 13,5 проценти го оцениле своето сексуално задоволство со десетка.