Истражувањата покажуваат дека бактериите на мобилниот телефон можат да преживеат и до четири дена на екранот.
Сепак, добрата вест е тоа што најновите истражувања покажуваат дека бројот на бактерии кои се задржуваат на рамните екрани на мобилните телефони е незначителен. Тие немаат со што да се хранат, па затоа не можат ниту да се размножуваат. Но, тоа не значи дека не треба да го дезинфицирате телефонот откако ќе се вратите дома од прошетка, работа или продавница.
Површината на вашиот екран е одраз на вашата хигиена. Сите кои ретко ги мијат рацете, а ги користат мобилните телефони кога јадат и ги носат со себе во бања, ќе пренесат многу повеќе бактерии на својот телефон од оние кои не го прават тоа.
Чистењето на мобилните телефони не е толку едноставно, затоа што многу лесно може да направите грешка која ќе му наштети.
За да избегнете оштетување на екранот, користете крпа од микро влакна- мали крпи со кои се чистат наочари или фотоапарат.
Без тешки хемикалии
Со користење на тешки хемикалии може да го оштетите слојот на хемиски премази кој произведувачите ги користат за да го заштитат телефонот од отпечатоци од прсти.
Водоотпорните телефони со IP68 стандард може да ги миете под вода за да ги исчистите темелно. Повеќето флегшип смартфони го имаат овој стандард, но сепак проверете дали и вашиот телефон го поседува.
Користете крпа и гел за дезинфекција или алкохол.
Дури и откако ќе го исчистите мобилниот, мора да бидете внимателни. Најдобриот совет е редовно миење на рацете, а вашиот телефон да го чистите најмалку еднаш дневно.
