Научниците утврдија колку долго откако ќе прележите корона постои опасност од згрутчување на крвта и други здравствени компликации.
COVID-19 го зголемува ризикот од згрутчување на крвта до шест месеци по добивањето на болеста, според студијата објавена во British medical Journal- BMJ.
Шведска студија покажува зголемен ризик од длабока венска тромбоза (згрутчување на крвта во ногата) до три месеци по инфекцијата со COVID-19, белодробна емболија (згрутчување на крвта во белите дробови) до половина година и крварење (како вид на мозочен удар) до два месеци по добивањето на болеста.
Овој ризик е поголем кај пациенти со други болести и кај оние со тешка форма на COVID-19. Тоа беше позабележително за време на првиот бран на пандемијата отколку вториот и третиот бран, според студијата.
Веќе беше познато дека COVID-19 го зголемува ризикот од тешки згрутчувања на крвта (позната како венска тромбоза), но имаше помалку информации за тоа колку долго трае тој зголемен ризик и дали варира во различни бранови на епидемијата.
За време на студијата, истражувачите идентификуваа повеќе од милион луѓе во Шведска кои биле заразени помеѓу 1 февруари 2020 и 25 мај 2021 година, по возраст, пол и место на живеење, и ги споредиле со повеќе од четири милиони луѓе кои не биле позитивни на коронавирус.
Според истражувачите, зголемениот ризик за време на првиот бран на инфекција во споредба со двата што следеа може да се објасни со подобрени терапии подоцна или покриеност со вакцинација кај постарите пациенти.
Тие сметаат дека овие резултати го оправдуваат преземањето мерки за спречување на случаи на тромбоза, како што е употребата на лекови кои го спречуваат формирањето на згрутчување во крвните садови, особено кај пациентите со висок ризик.
Се посочува важноста на вакцинацијата противCOVID-19, пренесува BBC. Постои ризик од згрутчување по вакцинацијата, но тој е далеку помал, претходно утврди голема британска студија.