Кога ќе влезете на Instagram лесно е да поверувате дека сите се совршени, никој нема целулит, ниту вишок килограми. Сите се насмеани и среќни, успешни. Лесно е да поверувате во тоа што го гледате.
Многумина не знаат дека најчесто и видеата коишто ги гледаме се лесни за уредување, исто како и фотографиите. Со цел луѓето да станат посвесни за тоа, една од познатите фитнес инфлуенсерки Хејли Медиген одлучи да сподели видео во кое покажа колку е лесно да ги измамите луѓето дури и во видеа.
Иако фотошопот е повеќе застапен кај фотографиите, малкумина забележуваат измами и кај снимките. Всушност, тоа е многу чест начин преку кој познатите нè уверуваат дека изгледаат онака како што се претставуваат, а не онакви какви што навистина се.
„Во свет во кој уредувањето на нашите тела може да се случи со само еден клик, запаметете дека сè што гледате може да биде лажно“, вели таа.
Таа објаснува дека видео монтажата е сè повеќе популарна, уредувањето на видео снимките е едноставно како и уредувањето фотографии. На секого може да му се намали струкот, да му се измазни кожата или мускулите да му изгледаат поголеми. Овие промени секојдневно се случуваат на телата на луѓето за да веруваме дека се реални и потоа уште еднаш да се споредиме со овие уредени верзии, па да се разочараме, објаснува таа.
Не станува збор само за женските тела, туку и за машките. На крајот, таа советува дека не сите се такви какви што се претставуваат. Можеби треба да се сетите на ова видео следниот пат кога ќе бидете премногу строги кон себеси.
