Од 24 февруари Русија потрошила 82 милијарди долари или четвртина од својот годишен буџет за војната во Украина, процени Forbes Ukraine.
Буџетските приходи на Русија во 2021 година изнесуваат 340 милијарди долари, што значи дека Руската Федерација веќе потрошила четвртина од минатогодишните приходи за воени операции, пишува Guardian.
Оваа проценка ги вклучува директните трошоци неопходни за поддршка на воените операции, но не ги вклучува редовните трошоци за одбрана или потенцијалните загуби што Русија ги претрпе поради намалениот извоз на нафта и гас во европските земји, бидејќи приходите од федералниот буџет од извозот на енергија се намалуваат.
Русија пред почетокот на војната во Украина заработувала околу една милијарда долари дневно од извоз на енергетски производи, пишува Guardian.
