Седењето со часови не е добро за здравјето, а ново истражување откри колку би требало да вежбаме за да ги сузбиеме негативните ефекти кои може да ги предизвика седењето.
Околу 40 минути дневно умерено до интензивно вежбање е доволно за да се воспостави рамнотежа по 10 часа седење, иако секоја вежба или стоење во одредена мерка се од помош.
Тоа се резултатите од анализа на девет претходни студии во кои биле опфатени 44.370 луѓе од четири држави.
Анализата утврдила дека ризикот од смрт меѓу оние со седечки стил на живот пораснал кога се намалило времето потрошено на умерени и интензивни физички активности.
Со други зборови кажано, умерено интензивните физички активности како возење велосипед, пешачење и слично можат да го намалат ризикот од смрт кај луѓето кои седат долго време.
Некои од начините кои помагаат да бидете физички поактивни вклучуваат и качување скали наместо употреба на лифт, играње со деца и домашни миленици, медитација, јога, танц, вршење домашни обврски и слично, пренесе Science Alert.
Ако не може веднаш да издржите тренинг од 40 минути може да почнете со помал временски период.
