Колорадо Аваланш со 4:1 го преслуша Далас Старс и се избори за мајсторка на патот кон полуфиналето во Западната конференција од Стенли купот.
На неутрален терен во „Роџерс Плејс“ во Едмонтон, Канада, Далас прв поведе во 18. минута од првата третина преку Финецот Миро Хеисканен, но само минута подоцна Колорадо израмни преку Русинот Никота Задоров.
Во 8. минута од втората третина Канаѓанецот Кејл Макар донесе пресврт за Аваланш.
Финецот Мико Рантанен во 4. минута и Канаѓанецот Нејтан МекКинон во 18-тата ставија точка на 6. серија за победа на Колорадо од 4:1 и израмнување на 3-3 во партии.
Решавачкиот натпревар ќе се игра во истата сала ноќта помеѓу петок и сабота, а победникот во полуфиналето ќе игра против подобриот од дуелот на Ванкувер Канакс и Вегас Голден Најтс кои вечерва ја играат 6. серија, а Вегас води со 3-2.
На Истокот веќе во полуфиналето е тимот на Тампа Беј Лајтнинг која го чека исходот од дуелот на Њујорк Ајлендерс и Филаделфија Флаерс каде њујорчаните водат со 3-2 и вечерва ќе имаат шанса со победа да се изборат за полуфинале.