Комисијата за заразни болести со конечен предлог за наставата, Владата треба да одлучи

Скопје, 14 август 2020 (МИА)  – По заклучокот од седницата на Владата во вторникот Планот на МОН за учебната 2020/2021 да биде споделен со Комисијата за заразни болести и таа да го даде мислењето за моделот на настава, Комисијата вчера на состанок донесе конечен предлог кој сега ќе треба да биде разгледан од Владата и таа да ја донесе одлуката како ќе работат училиштата од 1 септември.

Предлогот е учебната година да почне онлајн, со два исклучока – првиот е за учениците од прво до трето одделение, за кои се предлага да ја следат наставата со физичко присуство, земајќи го предвид социоемоционалниот аспект и нивната возраст, а вториот исклучок се училиштата со мал број ученици по паралелки – наставата да ја организираат со присуство во училниците ако тоа го дозволува епидемиолошката состојба.

Заменик-министерката за образование и наука Елизабета Наумовска претпладнево за МИА изјави дека Координативниот кризен штаб од МОН побарал да ги приспособи протоколите за моделите на настава врз основа на предлогот на Комисијата и да достави податоци колку се на број училиштата со помал број ученици кои би организирале настава со физичко присуство, во кои општини се наоѓаат, нивните просторни услови итн. Наумовска рече дека работните групи на МОН се во комуникација со Штабот и откако протоколите ќе се усогласат со предлогот од Комисијата, тој ќе биде ставен на дневен ред на седница на Владата, веројатно идната недела.

Министерот Арбер Адеми, кој е на ставот дека училиштата треба да бидат отворени секаде каде што состојбата со вирусот е стабилна, смета дека предлогот на Комисијата за заразни болести е компромис на две различни гледишта – ставот на МОН за физичко присуство и ставот на здравствените авторитети – онлајн-настава. Според него, предлогот на Комисијата е добра насока за изнаоѓање најсоодветен модел за настава.

Трите модели што ги содржи Планот на МОН се: настава со физичко присуство со мерки за заштита – маски и растојание од најмалку 1,5 метар помеѓу учениците во училница, далечинско учење или онлајн-настава, и комбинирана настава – пред сè за училиштата со голем број ученици. Комбинираниот модел предвидува учениците да бидат поделени на помали групи – една група која би следела настава со физичко присуството една недела, а во исто време другата група ученици, како и хроничко болните, би го следела часот онлајн. Ако е невозможно во реално време, тогаш лекциите од денот ќе се снимаат и ќе се споделат со таа група ученици преку платформа за учење.

Подготвените предлог-протоколи имаат конкретни упатства за различни ситуации и услови, за бројот на ученици во паралелка, скратување на наставните часови (предлогот е од 40 на 30 минути во основно, односно од 45 на 35 минути во средно) итн.

На прес-конференција пред два дена Адеми укажа дека е можно одложување на почетокот на учебната година затоа што кој модел и да се избере, ќе треба да се направат измени на законите за основно и за средно образование, а за тоа е потребно функционално Собрание.

реклама

Македонија

Категорично ги отфрламе невистините дека придавката „македонски“ се заменува со уставното име, велат од Комисијата

Read more

Намален бројот на активни случаи на заболени од COVID-19, на инфективните одделенија има слободни легла

Read more

Пендаровски се консултира со правни експерти за Законот за пописот

Read more

Прoменливо облачно, попладне врнежи од дожд, на планините од снег

Read more
 

Вести

Приведени 97 странски државјани кои работеле непријавени и без регулиран престој на објекти во Скопје

Читај повеќе

Категорично ги отфрламе невистините дека придавката „македонски“ се заменува со уставното име, велат од Комисијата

Читај повеќе

Намален бројот на активни случаи на заболени од COVID-19, на инфективните одделенија има слободни легла

Читај повеќе

Пендаровски се консултира со правни експерти за Законот за пописот

Читај повеќе

Прoменливо облачно, попладне врнежи од дожд, на планините од снег

Читај повеќе

Санкционирани 407 граѓани за неносење маска

Читај повеќе

На инфективните одделенија во земјава се лекуваат 310 пациенти, слободни кревети има

Читај повеќе

Хаг: Одбиено барањето за ослободување на Кадри Весели

Читај повеќе

Сопругата на Навални уапсена за време на протест во Москва

Читај повеќе