Националниот џез оркестар информира дека средствата од продажбата на билетите за концертот на оркестарот со Мариа Мендеш на 25 март ќе бидат донирани за семејствата на настраданите и повредените во Кочани.
Во холот на Националната опера и балет каде на 25 март во 20 часот ќе се одржи концертот ќе бидат поставени и кутии за донации во кои ќе може дополнително да се донираат средства.
„Оваа одлука произлезе од немилиот настан кој се случи во Кочани и нѐ погоди сите нас и претставува наш придонес за семејствата на засегнатите од трагедијата. Би ни значело доколку и вие учествувате во оваа акција преку набавување на билети за концертот“, велат од оттаму и потсетуваат дека билети за концертот може да се набават онлајн на https://mktickets.mk/event/maria-nacionalen-jazz-orkestar/, на продажните места на MKTickets и на Билетарата на Националната опера и балет.
