Сем Бенкман-Фрид, со-основачот и поранешен извршен директор на криптоберзата FTX пред ненадејно да банкротира овој месец, изјави за Axios дека останал со само 100.000 долари откако неговата крипто-империја пропаднала поради лошото финансиско управување. 30-годишниот Бенкман-Фрид во еден момент имаше нето богатство од над 27 милијарди долари.
„Може ли да кажам негативен број? изјави Бенкман-Фрид на прашањето на медиумите за неговите финансии. „Мислам, немам поим. Не знам. Имав 100.000 долари на мојата банкарска сметка последниот пат кога проверив. Комплицирано е. Речиси сè што имав беше врзано за компанијата“, рече тој.
FTX моментално минува низ стечајна постапка, а она што го откри сегашниот стечаен управник вели дека никогаш не го видел во својата кариера.
„Никогаш во мојата кариера не сум видел толку целосен неуспех на корпоративните контроли и таков целосен недостаток на веродостојни финансиски информации како што се случи овде“, вели тој во судскиот поднесок.
Откако FTX поднесе барање за банкрот, Bloomberg ја намали вредноста на компаниите на Бенкман-Фрид на 1 долар, отстранувајќи го од листата на милијардери. Тој сè уште имаше 7,4 отсто од акциите во апликацијата за тргување Robin Hood, но тоа сега е доведено во прашање бидејќи е во центарот на тужбата поднесена од банкротираната фирма за крипто-заеми BlockFi, која бара враќање на тие акции за покривање на долговите на Бенкман-Фрид.
Финансиите на Бенкман-Фрид не се целосно познати. Тој, наводно, сè уште е на Бахамите, каде што FTX потроши стотици милиони долари за купување имоти за персоналот и семејството. Неговите коментари за неговото сегашно богатство се исто така нејасни, а парите на банкарска сметка не ја претставуваат целата нето вредност на поединецот.
Од пропаѓањето на FTX, Бенкман-Фрид започна ПР офанзива во која се извинува и често тврди дека не знае ништо за активностите на сопствената компанија. Рече дека не знае да програмира. Сега конечно даде интервју за Ендру Рос-Соркин од The New York Times во кое зборуваше за банкротот и криптоберзата.