Семејството на покојникот од Чаир, на кој посмртниот брис му бил позитивен на коронавирус, е тестирано. Роднините прифатиле да бидат тестирани и земени се брисеви од 14 луѓе.
– Во Центарот за јавно здравје се пријавиле неколку семејства кои присуствувале на погребот. Осум вработени од приватната болница се во изолација поради контактот со пациентот кој починал и кому посмртно бил дијагностициран COVID-19, напиша на Facebook Венко Филипче.
Центарот за јавно здравје конечно го тестираше семејството на починатиот од Чаир, кому посмртно му беше потврден COVID-19. Брисеви се земени од 14 луѓе, но без полициска асистенција, бидејќи прифатиле да соработуваат.
Министерството за здравство претходно соопшти дека за овој случај, директорот на Центарот за јавно здравје Скопје информирал дека семејството не сакало да се тестира и да соработува со епидемиолозите, и покрај тоа што на погребот имало присутни 200 луѓе.
