Најмалку едно лице почина откако полициско возило влета во група демонстранти, а десетина се повредени во конфликтите меѓу полицијата и демонстрантите во Белорусија.
Откако се објавени резултатите на претседателските избори на кои Александар Лукашенко го освои шестиот мандат, илјадници граѓани на Белорусија излегоа на улиците ширум земјата.
Во текот на протестите дојде до конфликт меѓу полицијата која употреби шок бомби, солзавец и водени топови.
Според првичните информации од речиси сите избирачки места, Александар Лукашенко освоил 81,35 проценти од гласовите за нов, шести мандат како претседател на Белорусија, објави синоќа претседателката на Централната изборна комисија Лидија Јермошина.
Претседателот на Белорусија, Александар Лукашенко на вчерашните избори освои 80,23 отсто од гласовите, соопшти потоа Изборната комисија.
Главната опонентка на Лукашенко, Светлана Тихановскаја освои 9,9 проценти од гласовите, додека другите тројца кандидати освоија помалку од два отсто..
Тихановскаја, 37-годишната професорка по англиски јазик, синоќа изјави дека поголемиот број граѓани се со неа.
Соработниците на Тихановскаја тврдат дека според резултатите од алтернативното броење на гласовите, таа добила повеќе од 80 проценти.