Тренерот на Интер пред денешниот дуел со Парма смета дека стратегијата ќе го одлучи победникот.
Денеска од 18 часот на „Џузепе Меаца“ Интер ја пречекува Парма во натпревар од 6. коло во Серија А.
Во последните две сезони Интер на двапати губеше боди од Парма која важи за незгоден ривал иако Интер забележа и две победи, но двете на гости. Пред две години Парма победи со 0:1 во Милано, а лани одигра 2:2.
„Екипите кои ги предводи Ливерани секогаш тежнеат кон тоа да играат тактички фудбал. Зад секој натпревар се крие стратегија и план. Бидејќи и ние имаме наши, Парма секако ќе има нивни“, рече Конте на синоќешната прес-конфереција.
Фабио Ливерани застана на кормилото на Парма кон крајот на август, а претходно ги предводеше Лече, Тернана, Лејтон Ориент и Џеноа.
Интер денеска ќе биде без повредените повредените Ромелу Лукаку, Алексис Санчес, Матијас Весино, како и сѐ уште ковид позитивниот Милан Шкринијар, а веројатно нема да игра ни кревкиот Стефано Сенси.
