Рудари во златните полиња Клондајк на далечниот север на Канада дошле до ретко откритие кога копајќи по злато пронашле речиси совршено сочувани мумифицирани остатоци од волнено младенче мамут.
Членовите на локалниот тим на младенчето му го дале името Нун чо га, што значи „големо животно бебе“.
Палеонтологот Грент Зазула рече дека младенчето, кое ги задржало кожата и крзното, е „прекрасно и едно од најневеројатните мумифицирани животни од леденото време откриени во светот“.
„Возбуден сум што уште повеќе ќе го запознаам“, рече тој.
Остатоците од младенчето мамут беа откриени на 21 јуни за време на ископувањата низ вечниот мраз јужно од Досон Сити на канадската територија Јукон, која граничи со американската сојузна држава Алјаска.
Се верува дека животното е женско и умрело за време на леденото време, пред повеќе од 30.000 години кога волнените мамути талкале низ регионот заедно со диви коњи, пештерски лавови и огромни степски бизони.
Зазула за CBC изјави дека Нун чо веројатно имало околу еден месец кога починало, најверојатно откако се заглавило во кал.
Ова откритие го означува првиот речиси целосен и најдобро зачуван мумифициран волнеен мамут пронајден во Северна Америка.
