Во Украина, една 51-годишна жена се обидела да ископа подземен тунел, со цел да го ослободи синот кој е во затвор. Сега и самата таа се соочува со затворска казна.
Жената, чиешто име не се споменува, изнајмила куќа во близина на затворот во Запорожје, град на реката Днепар во јужниот дел на Украина, каде што нејзиниот син издржува доживотен затвор. За копање на тунелот таа користела лопата и копач. Копала само ноќе за да не привлече внимание, а до затворот доаѓала користејќи електричен скутер.
До мигот кога беше уапсена, таа имала ископано околу три тони земја.
