Стапката на нови инфекции со коронавирус во Шведска минатата недела се искачи на второто највисоко ниво во Европа, зад Сан Марино, покажаа податоците објавени вчера.
Бројот на пациенти на интензивна нега во Шведска го надмина пикот на вториот бран на пандемијата, на крајот на минатата година. Скандинавската држава од петокот има 19.105 нови случаи, покажуваат податоците на локалните здравствени власти.
Шведска има 625 нови случаи на милион жители дневно на неделно ниво, покажуваат вчерашните податоци на порталот OurWorldInData, што ја става на второ место, зад малата држава Сан Марино.
„За жал, гледаме забрзување на експанзијата во Шведска. Ќе видиме како ќе се одвива оваа недела, но тоа секако е брзо ширење што не покажува знаци на забавување“, рече главниот шведски епидемиолог Андрес Тегнел.
Шведска, земја со 10 милиони жители, досега даде 2,1 милиони дози вакцина, пренесува Reuters. Вкупно 13.660 луѓе починаа во земјата од почетокот на пандемијата.
Продолжете да читате: Детална анализа на една година во пандемија - дали Шведска беше во право?