Корпичките направени од компири и полнети со мелено месо се совршено меки, богати со вкусови и изгледаат како да се од ресторан, па сите ќе се воодушеват кога ќе ги послужите.
Потребни состојки:
- 1 кг компири
- 1 лажица путер
- грст копар
- 1 лажичка сол
- масло
за полнењето:
- 250 гр мелено месо
- 1 кромид
- 1 црвена пиперка
- 1 зелена пиперка
- 1 лажица доматна паста
- 140 гр варен грашок и морков
- 1 лажичка сол
- 1 лажичка бибер
- 1 лажичка ким
- 1 лажичка црвена пипер
- 60 мл вода
- рендан кашкавал
Подготовка:
Компирите исечкајте ги на коцки, сварете ги, исцедете ги, додадете путер и посолете ги, па додадете им копар. Замесете како да месите тесто и оставете да отстои во фрижидер додека целосно не се излади.
Многу е важно смесата да се излади, затоа што е невозможно да се обликуваат корпичките доколку смесата е врела. Кога ќе се излади, поделете ја на 4 еднакви делови, расукајте го секој дел, па притиснете со прстите по средината и направете облик на корпичка.
Додека смесата од компири се лади, испржете ги сите состојки за полнењето - меленото месо, кромидот, пиперките, грашокот, морковите и сите зачини, па тргнете на страна.
Со масло подмачкајте тава за печење и наредете ги корпичките, па во секоја распоредете од мешавината. Додадете и рендан кашкавал над секоја корпичка, па повторно од смесата со мелено месо и повторно кашкавал.
Печете на 180°C околу половина час, или додека не поруменат. Кога ќе се испечат извадете ја тавата од рерна и оставете половина час да се излади, па потоа сервирајте.
