Ѕвездената репрезентација на САД го загуби и вториот подготвителен натпревар во пресрет на Олимписките игри во Токио.
Дрим Тимот на САД после поразот од Нигерија од 87:90 доживеа дебакл и од Австралија откако ноќеска среде Лас Вегас загуби со 83:91
Американците пред крајот на втората четвртина имаа и +11 поени разлика, а на полувреме заминаа со водство од 9 поени и се чинеше дека ќе запишат рутинска победа. Но, Австралија после паузата заигра фуриозно и третата четвртина ја доби со 32:18, а водството го одржа до крајот и победи со 8 поени разлика.
Кај САД се истакна Демиен Лилард со 22 поена, додека Кевин Дурент запиша 17. Пети Милс беше најдобар поентер во победничкиот табор со 22 поена.
Ова е втор пораз по ред за Дрим Тимот и четврти во последните пет натпревари, но селекторот Грег Попович истакна дека не е загрижен и дека на Олимписките игри САД ќе го покажат нивното вистинско лице.