Откако сите добија негативни резултати на тестирањето за COVID-19, македонските репрезентативци во комплетен состав го одржаа првиот тренинг во Естонија.
Селекторот Александар Тодоров на првиот тренинг во Талин ги имаше сите дванаесетмина кошаркари кои му се располагање за претстојните квалификацикси натпревари.
Репрезентацјата уште од синоќа се наоѓа во естонската престолнина каде веднаш подлегна на ПЦР тестови чии резултати денеска беа објавени со добри вести: сите се негативни. Денеска од 15:15 часот по македонско време Тодоров и играчите го одржаа првиот тренинг од вкупно планираните осум.
Македонија ја чекаат два натпревара: прво в сабота од 15:00 часот против Италија, а потоа в понеделник од 19:30 против домаќинот Естонија.
Пред пандемијата со коронавирусот се одиграа две кола од квалификациите во кои Македонија забележа два пораза, дома од Естонија и на гости од Русија. Потребно од поправање на бодовниот биланс бидејќи три од четирите репрезентации во квалификациската група ќе изборат пласман на ЕуроБаскет 2021 со напомена дека Италија како кодомаќин е веќе квалификувана.
Фото: КФСМ
