Светот на сѐ попопуларните роботски косилки за трева стана побогат за роботите Segway Navimow.
Роботските косилки постојат многу години и повеќето бараат инсталирање на жици што го означуваат периметарот на вашиот тревник, држејќи ја косилката во рамките на просторот што сакате да го косите, додека други, како што е косилката iRobot Terra, користат вградени системи за мапирање да останат во назначените области.
Segway сега ја претстави својата нова косилка Navimow, која е прва во светот што користи GPS за навигација со прецизен систем за водење наречен Extra Fusion Locating System.
На корисниците им е овозможено да ги нацртаат виртуелните граници на својот тревник во апликација за смартфон, а Navimow користи вградени сензори за да се движи со прецизност од 2 см. Во случај роботот да излезе од виртуелниот периметар, корисникот веднаш добива аларм на својот телефон.
Покрај тоа, Navimow се карактеризира со прилично тивка работа, така што создава бучава од само 54 dB, што е малку повеќе од половина од бучавата на стандардните косилки.
Друга интересна карактеристика се петте безбедносни сензори кои ѝ овозможуваат на косилката да открие и избегне пречки.
Косилката ќе се продава во неколку модели по големина, моќност на моторот и капацитет на батерија, така што најмоќниот модел ќе биде опремен со батерија од 10,4 Ах, која ќе се простира на површина од 3.000 квадратни метри со едно полнење, и кога чувствува дека батеријата е при крај, косилката автоматски ќе се врати во станицата за полнење.
Најдобриот модел H3000E (10,4 Ах) се продава за 3.000 долари, а најслабиот H500E (5.2 Ах), кој може да искоси 500 квадратни метри со едно полнење, ќе ве чини 1.400 долари. Колку за споредба, во оваа ценовна група може да се најдат солидни половни автомобили, како Fiat Punto, Dacia Sandero, Toyota Avensis...
